परिचय:-
आ बेबसाइट खास तोर सूं सेखावाटी बोलबाळा लोगां कै काम म लेबा क्ले है। सगळा सेखावाटी बोलबाळा नै न्यारा-न्यारा भांत का लेख म सयता देबा क्ले बाणाया है। जंय्या - बातां, कहबत, मुहावरा, चोखा बिचार, चुटकला, कबिता, लोग-गीत, भजन, धमाल, साख, पाह्ळी, त्यूंवार, ब्याह को कारयकरम परथा अर संस्करती कारयकरम अ सगळा है अर कोई बी सेखावाटी बोलबाळा की ई बेबसाइट पै अपलोड करेड़ी सगळी सामगरी सेखावाटी म ई होणी चाये। अ सगळी सामगरी संस्करती, सामाजिक अर सेखावाटी कै ईसाब सूं सेखावाटी समुदाय क्ले बडिया होणी चाये। जखो बी मोको मिलै तो, चूणेड़ा लेखा नै कोई बी दूसरी भासा म बदळ सको हो अर बदळबाळो लेख अर दूसरी भासा म बी बदख सको हो।
बेबसाइट की सरूआत:-
(1) मालिक:- आपां सेखावाटी लोग अर संस्करती का मालिक हां। आपां सेखावाटी का जाणकार हां अर कोई बी बारै का मिनग सूं बडिया सेखावाटी बोला हां। ई बेबसाइट पै डालेड़ी सामगरी का मालिक सगळा सेखावाटी समुदाय का लोग है।
(2) सेखावाटी समिति:- बेबसाइट म नुई सामगरी जोड़बा क्ले सेखावाटी बोलबाळा की एक समिति होवैली। ई बेबसाइट नै बणा'र राखबा अर ईकी साख-समाळ करबा कै बारा म फैसलो लेबा क्ले जिम्मेवार होवैगा।
(3) सामगरी देबो:- खाली सेखावाटी बोलबाळा लोग सेखावाटी म लेख, कबिता, बातां अर ओर दूसरा साइते बी लिख सकै है। आपां सेखावाटी का लोग न्यारा-न्यारा साइते बणा'र वेबसाइट पै अपलोड करबा क्ले सगळा मिल’र काम करस्यां। सेखावाटी सूं लिखबाळा नै पिछाण्यो जासी, थ्हारो होसलो बंदा’र आगै सूं आगै बढता रवैगा, क्यूंकि म्हे थ्हानै न्यारा-न्यारा साइते म सायता देता रहस्यां।
(4) जुड़’र सायता देबाळा लोग: - साइते नै सुधा'र राय देबा क्ले, बेबसाइट पै थ्हारो नांव, पतो, मोबाइल नमर अर ईमेल आईडी जंय्या का उपकरण कै सागै जोड़ सका। आ सगळा मिनखा की जाणकारी छुपा'र राखंगा अर कदे बी बिनै सगळा कै सामै कोनी ल्यावां।
(5) राय:- सेखावाटी बोलबाळा बेबसाइट पै डलेड़ी सामगरी म बदळाव करबा क्ले राय दे सकै है। खाका (लेआउट) या बेबसाइट कै बारै म कोई बी छोटी-मोटी राय दे सकै है। जिसूं आ हरेक आबाळा क्ले एक चोखी जाणकारी बण सकै।
