सुवास्थ्य अर परिवार कल्याण मंतरालय, भारत सरकार
थ्हारी सायता तांणी, म्हारी मदद करो
नोवल कोरोना वायरस (कोविड-19)
के थ्हे बर-बर म हात धोर्या हो।
साबण अर पाणी सूं हात धोबो, एक सैसूं चोखो उपाय है!
साबण अर पाणी सूं कद् हात धोणा चाये?
- खांसबा या छींकबा कै पाछै हातां नै धोवो।
- हंगणघर नै काम म लियां पाछै बिकी सफाई कर’र हातां नै धोवो।
- खाणो बणाबा अर खाबा सूं पेली अर पाछै हातां नै धोवो।
- कोई बी बेमार मिनख की देखबाळ या कोई बी घाव को इलाज करबा सूं पेली अर पाछै हातां नै धोवो।
- जिनावरा नै खाणो दे जद अर गोबर-पोठा कै हात लगाबा सूं पेली अर पाछै हातां नै धोवो।
- कूटळा का डब्बा कै हात लगायां पाछै या हात सूगला दिखै तो बी हातां नै धोवो।
हात धोबा का केमिकल (सेनिटाइजर) नै कद काम म लेणो चाये ?
- साबण अर पाणी कोन्या मिलै तो, कम सूं कम 60% अल्कोहल मिलेड़ा हात धोबा का केमिकल (सेनिटाइजर) नै काम म ल्यो।
- कोई बी सारवजनिक ठोर या असी ठोर जठे साबण अर पाणी कोनी मिलै तो, कम सूं कम 60% अल्कोहल मिलेड़ा हात धोबा का केमिकल (सेनिटाइजर) नै काम म ल्यो।
- डागदर कन सूं दुवाई लेबा जावो या रोगी की देखबाळ करो जद अर कसै बी डाखाना म जावो बिसूं पेली अर पाछै कम सूं कम 60% अल्कोहल मिलेड़ा हात धोबा का केमिकल नै काम म ल्यो।
कम सूं कम 20 सेकण्ड तांई अपणा हातां नै चोखी तरियां धोवो।
आपां नै मिल’र कोरोना (कोविड-19) सूं लड़णो है!
(कोविड-19) कोरोना की जादा जाणकारी क्ले
राज्य सायता नमर या सुवास्थ्य अर परिवार कल्याण मंतरालय, भारत सरकार का 24 घण्टा सायता नमरां पै फोन करो
1075 (टोल फिरी) 011-23978046
ई-मेल करो : ncov2019@gov.in , ncov2019@gmail.com
- तरक माण्डो
