लेख अपलोड करबा क्ले जाणकारी
(अ) लेख का परकार:-
ई बेबसाइट क्ले अपणा लेख त्यार करबो अर बिमै सागो देबा क्ले घणी सारी जाणकारी दियेड़ी है:-
(1) संस्करतिक कै इसाब सूं चोखी:- ई बेबसाइट पै सगळा लेख सेखावाटी समुदाय, आपणी संस्करती अर सेखावाटी कै बारै म होणी चाये। अंय्या का लेख जे संस्करतिक या सामाजिक का इसाब सूं सेखावाटी समुदाय नै नफो देबाळा कोनी, बानै ई बेबसाइट पै अपलोड मत करो।
(2) न्यारा-न्यारा भागा म बांटबाळा लेख:- सगळै समाज म न्यारी-न्यारी सोचबाळा लोग रहवै है अर बै हमेसा समुदाय नै न्यारी-न्यारी करबा कै बारै म जाणकारी देता रहवै है अर बा लोगां नै एक सागै मता होबा द्यो। ई बेबसाइट को ओ मतबल है कि पूरा सेखावाटी समुदाय का लोगां नै एक सागै ले'र चालबो। जंय्या राजनीति अर धरम का लोगां नै कदे बी न्यारा कोनी कर सके।
(अ) ई बेबसाइट पै अपलोड करेड़ा सगळा लेख राजनीति आळा कोनी होणा चाये। बंय्या का सगळा लेखां सूं बचो जखा एक राजनीति नै ले'र लेख त्यार करे है या फेर कोई दूसरा क बारै म है।
(ब) ई बेबसाइट पै अपलोड करेड़ा सगळा लेख कोई बी धरम सूं जुड़ेड़ा कोनी होणा चाये। बा सगळा लेखां सूं बचो जखा कोई बी धरम या कोई बी एक भगवान की बडाई करे है।
(3) निरमाण सोसायटी का सुपना, मकसद अर खास मोल कै सागै मिलाण:- सेखावाटी म बेबसाइट को विकास करबो निरमाण सोसायटी की एक सरूआत है, जखी सेखावाटी समुदाय अर सेखावाटी नै बढाबा क्ले काम करे है। आ बी जरूरी है कि आ बेबसाइट निरमाण सोसायटी को मोल अर मकसद कै खिलाप कोनी, बांकी बेबसाइट पै निरमाण सोसायटी का सुपना, मकसद अर खास मोल की जाणकारी दियेड़ी है।
(4) साइते को परकार:- ई बेबसाइट नै आगै बढाबाळा साइते का परकार, पण बिपै रोक कोनी, बिकी तळै जाणकारी है:-
(अ) समुदाय, संस्करती, बांको धरम, लोगां को इतियास, एरियो, जगां को खाको, संस्करती सूं जुड़ेड़ी फोटुवां, सबदकोस, बातां, कहबत, मुहावरा, चोखा बिचार, चुटकला, कबिता, लोग-गीत, भजन, धमाल, साख, पाह्ळी, त्यूंवार, रिती-रिवाज, संस्करती कारयकरम, मायड़ सेखावाटी म समाचार, जनम, मरण, ब्याव आ सगळा कै बारै म जाणकारी।
(ब) सरकारी या पराईबेट कारयकरमा कै बारै म बी जाणकारी जखी मायड़ सेखावाटी म, समुदाय क्ले नफो देबाळी है ।
(ग)निरमाण कै कारयकरमा की जाणकारी, जंय्या मायड़ सेखावाटी म साक्सरता कंय्या चलाबो, मायड़ सेखावाटी को बिकास करबो, देसी खेती नै बढाबो देबो, सिक्सा अर ओर बी घणा सारा है।
(घ) बा कारयकरमा कै बारै म जाणकारी द्यो जखा समुदाय नै नफो देबाळा होवै, बानै बेबसाइट पै जोड़बा कै बारै म सोच सकै है।
(च) मायड़ सेखावाटी म साइते जखा इलेक्टरोनिक कै इसाब सूं बी त्यार है। ऑनलाइन साइते न छापबाळा नै लेबा को हक है, जे कोई होवो तो।
(छ) सेखावाटी समुदाय, संस्करती कै बारै म मायड़ सेखावाटी अर दूसरी भासा म साइते की सूची।
(ज) मायड़ सेखावाटी या कोई दूसरी बेबसाइटां का लिंक, समुदाय, संस्करती, एरिया या सगळा कै बारै म बडिया जुड़ेड़ी जाणकारी है।
(ब) बेबसाइट प लेख डालबो:-
ई बेबसाइट पै कोई बी साइते डालबा क्ले तळै लिखेड़ी जाणकारी को पालन करणो चाये:-
(1) ई बेबसाइट पै कोई बी साइते डालबा सूं पैली, (एक मानता ईमेल आईडी या फोन नमर सूं) अपणो बेबसाइट पै जोड़नो जरूरी है।
(2) ई बेबसाइट पै कंय्या का बी डालेड़ा लेख सई होणा चाये (कोई बी लेख की नकल करबा की छूट कोनी)
(3) बेबसाइट पै डालेड़ो हरेक लेख कै बारै म, एक बणाबाळा सदस्य की राय लेणी पड़ैगी अर काम म लेबाळा नै बणाबाळो जखो सुधार करवाबो चार्यो है बी आधार पै सुधार करबो जरूरी है बिक्ले सैमत होणा चाये।
(4) करमचारी लेख नै सई सूं सुधार कर्या पाछै ई बेबसाइट पै डालैगो। जे जांच करबाळो लेख नै सई न मानै, तो लेख नै काम म लेबाळा नै बताणो पड़ैगो, पण आखरी म बेबसाइट बणाबाळी टीम को फेसलो मान्यो जावैगो।
(5) बेबसाइट बणाबाळी टीम लेख नै परकासित कर्या पाछै बी, बा लोगां नै, न छापबा को हक राखै है जे कोई एतराज या मांग है, तो?
(स) परकरिया:-
सगळा लेखा नै मंजूरी मिल्या पाछै ई बेबसाइट पै अपलोड होसी। छापबा का तीन इसतर करेड़ा है जखा तळै दियेड़ा है:-
(1) करमचारी सूं मंजूरी मिलेड़ो साइते:- करमचारी एक सेखावाटी बोलबाळो है। जखो समुदाय की संस्करती, इतियास आ सगळा नै बडिया जाणै है। करमचारी साइते को मोल काम कोनी लेबो अर बिकी जांच करबो। करमचारी कोई अंय्या का मिनख की बी मदत करगो, जखो नया लेख त्यार करबा क्ले सायता की जरूत है।
(2) बेबसाइट बणाबाळा की मंजूरी:- बेबसाइट बणाबाळो सेखावाटी करमचारी अर दूसरा लोगां कै सागै आपस म बातचीत करगो अर फेर लेख नै मंजूरी या मना कर दे। लेख नै मंजूरी मिल्या पाछै ई अपलोड कर्यो जावैगो। जे बिनै मना कर दे, तो फेर बिनै बेबसाइट सूं हटा देगो।
(3) बेबसाइट मालिक सूं मंजूरी:- हरेक लेख की जांच करबा क्ले बेबसाइट मालिक जिम्मेवार है। जद बेबसाइट मालिक मंजूरी दे है, तो लेख लोगां नै दिखावै है। खाली मंजूर करेड़ो लेख ई अपलोड कर्यो जावैगो अर दूसरां लेख नै बेबसाइट सूं हटा देगो।
