सुवास्थ्य अर परिवार कल्याण मंतरालय, भारत सरकार
थ्हारी सायता तांणी, म्हारी मदद करो
नोवल कोरोना वायरस रोग (कोविड-19)
भागती टेम मूण्डा पै मास्क लगाबो गळत है बिसूं देई म ओक्सीजन कम जाबा सूं सारा अंगा पै असर पड़ सकै है।
मास्क लगाबो जरूरी है पण कद, कठे अर कंय्या, ओ बडो सुवाल है। निगे राखो भागती टेम मास्क मता लगावो। ईनै लगाबा सूं आपणै डील का अगां (आंख, कान, नास अर खाल) पै भोत असर पड़ै है।
ओक्सीजन अर कारबन का कम होबा सूं आपणा डील पै अ असर पड़ै है।
कारबनडाईओक्साइड गेस सूं डील पै भोत असर पड़ै है।

दिमाग पै असर

• झूंजळाट आबो।
• सुस्ती आबो।
• भूंळ आबो।
• माथो दूखबो।
• दिमाक ठिकाणै नै रहबो।
• बेचेत होबो।

आंख अर कान पै असर

• काना सूं कम सुणबो।
• आंख्यां सूं कम दीखबो।

खाल पै असर

• खाल पै लाल-लाल फाला होबो।
• अलर्जी होबो।

नसां पै असर:-

• नसां कमजोर होवै है।

दिल पै असर:-

• दिल की धड़कन बडबो।
• खून को दोरो (बी पी) बडबो।

फेंफड़ा पै असर:-

• कारबनडाईओक्साइड गेस बडबो
• फेंफड़ा कमजोर होबो

मास्क कठे अर कद जरूरी है।
जे थ्हे निरोगा हो, तो थ्हानै मास्क की जरूत जद है, जद थ्हे कोई कोरोना रोगी की देखबाळ करर्या हो।
जे थ्हारै खांसी, जुकाम, बुखार या फेर गळा म खरखरी होरी है तो मास्क पऍरो अर घरां सूं बारै मता निकळो। जादा होज्या तो डागदर नै दिखावो।
मास्क पेरबा सूं थ्हे बेमार कोनी होवो या जरूरी कोन्या थ्हारा हात बी धुपेड़ा होणा चाये।
भीड़-भाड़ की ठोर पै जाबा सूं पेली मास्क पेरो।
मास्क नै बेगा-बेगा बदळता रहवो अर एक बार लगायेड़ा मास्क नै बना धोयां दुबारा मता लगावो।
मास्क पेरबो कद जरूरी कोनी।

जे थ्हे निरोगा हो अर घरां ई हो तो, मास्क लगाबा की जरूत कोन्या।
कसरत करती टेम मास्क मता पेरो। मास्क सूं डील नै अतरी हवा (ओक्सीजन) कोनी मिलै जतरी जरूत है। ओक्सीजन की कमी सूं फेंफड़ा म बेमारी बी हो सकै है।
मास्क कैसागै-सागै, सामाजिक दूरी अर हात धोबा को केमिकल (सेनिटाइजर) बी जरूरी है।
जे थ्हे कार चलार्या हो अर कार म एकला हो, तो मास्क की जरूत कोनी।

बगीचा 7 सूं 10 बजे तांई सुंवारै की टेम पे ई खुला रहला।
बगीचा खुलगा। लोग मास्क लगा’र सुंवारै-स्याम भाग-दोड़ करता दिखर्याछहै। घबराट म आपां जादा ई रुखाळई बरतबा लागगा। जंय्या लगुतार मास्क लगाबो। ओ थ्हानै बेमार बी बणा सकै। जादातर भाग-दोड़ करती टेम पै मास्क मता लगावो।  आपां कारबनडाईओक्साइड गेस छोडा हां। मास्क पेरबा सूं आ गेस आपणा फेंफड़ा पै भोत असर करै है अर दूसरा अंगा पै बी फरक पड़ै है।

(कोविड-19) कोरोना की जादा जाणकारी क्ले
राज्य सायता नमर या सुवास्थ्य अर परिवार कल्याण मंतरालय, भारत सरकार का 2‌4 घण्टा सायता नमरा पै फोन करो 

1075 (टोल फिरी) 011-23978046 ई-मेल करो : ncov2019@gov.in , ncov2019@gmail.com