एहे…मुख मुरली बजाई रै कान्हा नन्द जी का रै मुख मुरली [टेर]

एहे…मुरली की आवाज म्हानै महलां म सुणिज्य रै
अरै महलां बेठी गोरड़ी मगन होय जाय मुख मुरली [1] टेर

एहे…मुरली की आवाज म्हानै बागा म सुणिज्य रै
अरै बागा बेठी कोयली मगन होय जाय मुख मुरली [2] टेर

एहे…मुरली की आवाज कान्हा पणघट पै सुणिज्य रै
पाणी भरती पणिहार्यां मगन होय जाय मुख मुरली [3] टेर

एहे…मुरली की आवाज कान्हा जमुना पै सुणिज्य रै
जमुना जी रो पाणी कान्हा थम-थम जाय मुख मुरली [4] टेर

एहे…मुरली की आवाज कान्हा मथुरा म सुणिज्य रै
मथुरा वाळा मोरिया मगन होय जाय मुख मुरली [5] टेर।