म्हारी हळदी ए रांग सुरांग निपजै मूलावै लाड लडारो दादो जी दाद्यां रै मन रळै
मूलावै लाड लडारो बाबोजी बडिया रै मन रळै
मूलावै लाड लडारो चाचोजी चाच्यां रै मन रळै
मूलावै लाड लडारो बीरोजी भाभ्यां रै मन रळै
बनड़ी पीठड़ली दिन च्यार है मूळ-मूळ न्हाय ल्यो
लाडो चावळिया दिन च्यार रूच-रूच जीमै ल्यो
लाडो काजळिया दिन च्यार नैण घुळाय ल्यो
लाडो मनड़ली दिन च्यार हात रचाय ल्यो
लाडो लाड कोड दिन च्यार या रूत मान ल्यो।
